Talegaon–Chakan–Shikrapur महामार्ग प्रकल्पाला वेग... डिसेंबरला काम सुरु होणार

महाराष्ट्रातील महत्त्वाच्या औद्योगिक मार्गांपैकी एक असलेल्या तळेगाव–चाकण–शिक्रापूर महामार्गाच्या विस्तारीकरणाला अखेर गती मिळाली आहे. येत्या दोन महिन्यांत भूसंपादन प्रक्रिया सुरू होण्याची शक्यता असून, सर्व प्रशासकीय प्रक्रिया पूर्ण झाल्यानंतर डिसेंबर २०२६ पासून प्रत्यक्ष कामाला सुरुवात होऊ शकते. सुमारे ५४ किलोमीटर लांबीच्या या प्रकल्पात तळेगाव ते रासे फाटा दरम्यान उन्नत चार पदरी मार्ग, समांतर सेवा रस्ते आणि शिक्रापूरपर्यंत विस्तारित महामार्गाचा समावेश आहे. या प्रकल्पामुळे वाहतूक कोंडी कमी होऊन प्रवास अधिक सुरक्षित आणि वेगवान होण्यास मदत होणार असून, पुणे जिल्ह्यातील औद्योगिक विकासालाही मोठी चालना मिळण्याची अपेक्षा आहे.