160 कोटींचा शालार्थ आयडी घोटाळा; भाजप पदाधिकारी Sanjay Garud अटकेत, 200 हून अधिक शाळांचा तपास

१६० कोटी रुपयांचा शालार्थ आयडी घोटाळा हा महाराष्ट्रातील शिक्षण क्षेत्रातील सर्वात मोठ्या आर्थिक गैरव्यवहारांपैकी एक मानला जात आहे. या प्रकरणात एसआयटीने शिक्षण संस्थाचालक आणि भाजप पदाधिकारी संजय गरुड यांना अटक केली असून, अनियमित शिक्षक भरती आणि मंजुरी प्रक्रियेच्या माध्यमातून शालार्थ आयडींचा मोठ्या प्रमाणात गैरवापर झाल्याचा आरोप आहे.या घोटाळ्याच्या तपासाच्या कक्षेत चार जिल्ह्यांतील २०० हून अधिक शाळा आल्या आहेत. तसेच ८४१ शिक्षक आणि शिक्षकेतर कर्मचाऱ्यांची नावे गैरवापरासाठी वापरल्याचा आरोप करण्यात आला आहे. या प्रकरणातील पैशांचा संपूर्ण प्रवाह (मनी ट्रेल) आणि आणखी संबंधित अधिकारी किंवा व्यक्तींचा सहभाग तपासातून समोर येण्याची शक्यता आहे.