Pune Solapur महामार्ग होणार 6 पदरी. Access Controlled हायवेने प्रवासात मोठा बदल

पुणे–सोलापूर राष्ट्रीय महामार्ग (NH-65) आता मोठ्या परिवर्तनाच्या दिशेने वाटचाल करत आहे. या महामार्गाचे सहा पदरी आणि अ‍ॅक्सेस कंट्रोल्ड स्वरूपात upgrading करण्याचा प्रस्ताव तयार करण्यात आला आहे. या प्रकल्पामुळे प्रवासाचा वेळ कमी होण्यासोबतच वाहतूक कोंडी कमी होईल आणि हजारो वाहनचालकांसाठी प्रवास अधिक सुरक्षित होण्याची अपेक्षा आहे.या महत्त्वाकांक्षी प्रकल्पासाठी भारतीय राष्ट्रीय महामार्ग प्राधिकरणाने (NHAI) सविस्तर प्रकल्प अहवाल (DPR) आणि व्यवहार्यता अभ्यासाची प्रक्रिया सुरू केली आहे. हा प्रकल्पाच्या अंमलबजावणीच्या दिशेने टाकलेला पहिला महत्त्वाचा टप्पा मानला जात आहे.

पुणे–सोलापूर मार्गाला मिळणार आधुनिक सुविधांचा वेग

सहा पदरी अ‍ॅक्सेस कंट्रोल्ड महामार्गामुळे वाहनांचा वेग वाढेल, प्रवासाचा कालावधी कमी होईल आणि अपघातांचे प्रमाण कमी करण्यास मदत होईल. सध्या या मार्गावर मोठ्या प्रमाणात मालवाहतूक आणि प्रवासी वाहतूक होत असल्याने, या अपग्रेडमुळे वाहतुकीचा दबाव कमी होण्याची शक्यता आहे.हा महामार्ग पूर्ण झाल्यानंतर महाराष्ट्रातील औद्योगिक आणि व्यापारी क्षेत्रांना मोठा फायदा होणार आहे. पुणे, सोलापूर आणि आसपासच्या भागांमधील कनेक्टिव्हिटी मजबूत होऊन व्यापार, उद्योग आणि आर्थिक विकासाला चालना मिळण्याची अपेक्षा आहे.तसेच हा मार्ग शेजारील राज्यांशी संपर्क सुधारण्यासाठीही महत्त्वाची भूमिका बजावणार असून, महाराष्ट्राच्या पायाभूत सुविधा क्षेत्रात हा प्रकल्प एक मोठा टप्पा ठरण्याची शक्यता आहे.